حدثني ابو الطاهر ، اخبرنا ابن وهب ، اخبرني حرملة . ح وحدثني هارون بن سعيد الايلي ، حدثنا ابن وهب ، حدثني حرملة وهو ابن عمران التجيبي ، عن عبد الرحمن بن شماسة المهري ، قال: سمعت ابا ذر ، يقول: قال رسول الله صلى الله عليه وسلم: " إنكم ستفتحون ارضا يذكر فيها القيراط، فاستوصوا باهلها خيرا، فإن لهم ذمة ورحما، فإذا رايتم رجلين يقتتلان في موضع لبنة فاخرج منها "، قال: فمر بربيعة، وعبد الرحمن ابني شرحبيل ابن حسنة يتنازعان في موضع لبنة، فخرج منها.
سیدنا ابوذررضی اللہ عنہ سے روایت ہے، رسول اللہ صلی اللہ علیہ وسلم نے فرمایا: ”تم فتح کرو گے ایک ملک کو جہاں قیراط کا راوج ہو گا (قیراط ایک ٹکڑا ہے درم اور دینار کا اور مصر میں اس کا رواج بہت تھا) وہاں کے لوگوں سے بھلائی کرنا کیونکہ ان کا حق ہے تم پر اور ان کا ناتا بھی ہے تم سے (اس لیے کہ ہاجرہ علیہا السلام اسمعیل علیہ السلام کی ماں مصر کی تھیں اور وہ ماں ہیں عرب کی) جب تم دو شخصوں کو وہاں دیکھو ایک اینٹ کی جگہ پر لڑتے ہوئے تو وہاں سے بھاگو۔“ پھر سیدنا ابوذر رضی اللہ عنہ نے دیکھا کہ ربیعہ اور عبدالرحمن بن شرحبیل ایک اینٹ کی جگہ پر لڑر ہے ہیں تو سیدنا ابوذر رضی اللہ عنہ وہاں سے نکل گئے۔