حدثنا حدثنا عبد الله بن عبد الرحمن الدارمي ، اخبرنا عبيد الله بن موسى ، عن إسرائيل ، عن منصور ، عن إبراهيم ، عن علقمة والاسود ، انهما دخلا على عبد الله ، فقال: " اصلى من خلفكم؟ قال: نعم، فقام بينهما، وجعل احدهما عن يمينه والآخر عن شماله، ثم ركعنا، فوضعنا ايدينا على ركبنا، فضرب ايدينا، ثم طبق بين يديه، ثم جعلهما بين فخذيه "، فلما صلى، قال: هكذا فعل رسول الله صلى الله عليه وسلم.
علقمہ اور اسود سے روایت ہے، وہ دونوں سیدنا عبداللہ بن مسعود رضی اللہ عنہ کے پاس آئے۔ انہوں نے کہا: کیا تمہارے پیچھے کے لوگ نماز پڑھ چکے؟ انہوں نے کہا: ہاں۔ پھر سیدنا عبداللہ بن مسعود رضی اللہ عنہ دونوں کے بیچ میں کھڑے ہوئے اور ایک کو داہنی طرف کھڑا کیا اور دوسرے کو بائیں طرف، پھر رکوع کیا تو ہم نے اپنے ہاتھوں کو گھٹنوں پر رکھا۔ سیدنا عبداللہ رضی اللہ عنہ نے ہمارے ہاتھ پر مارا اور تطبیق کی (یعنی دونوں ہتھیلیوں کو ملایا) اور رانوں کے بیچ میں رکھا، جب نماز پڑھ چکے تو کہا کہ رسول اللہ صلی اللہ علیہ وسلم نے ایسا ہی کیا ہے۔