حدثنا امية بن بسطام العيشي ، حدثنا يزيد بن زريع ، حدثنا روح وهو ابن القاسم ، عن إسماعيل بن امية ، عن يحيى بن عبد الله بن صيفي ، عن ابي معبد ، عن ابن عباس ، ان رسول الله صلى الله عليه وسلم، لما بعث معاذا إلى اليمن، قال: " إنك تقدم على قوم اهل كتاب، فليكن اول ما تدعوهم إليه عبادة الله عز وجل، فإذا عرفوا الله، فاخبرهم ان الله فرض عليهم خمس صلوات في يومهم وليلتهم، فإذا فعلوا، فاخبرهم ان الله قد فرض عليهم زكاة، تؤخذ من اغنيائهم، فترد على فقرائهم، فإذا اطاعوا بها فخذ منهم، وتوق كرائم اموالهم ".
سیدنا ابن عباس رضی اللہ عنہما سے روایت ہے، رسول اللہ صلی اللہ علیہ وسلم نے جب سیدنا معاذ رضی اللہ عنہ کو یمن بھیجا تو ان سے کہا: تم جاؤ گے اہلِ کتاب میں سے ایک قوم کے پاس تو سب سے پہلے جس طرف تم ان کو بلاؤ وہ اللہ جل جلالٰہ کی عبادت ہے پھر جب وہ اللہ کو پہچان لیں تو ان کو بتاؤ کہ اللہ نے ان پر پانچ نمازیں فرض کی ہیں ہر رات و دن میں۔ جب وہ یہ کرنے لگیں تو ان کو بتاؤ کہ اللہ عزوجل نے ان پر زکوٰۃ فرض کی ہے جو ان کے مالوں سے لی جائے گی پھر انہی کے فقیروں کو دی جائے گی۔ جب وہ یہ مان لیں تو ان سے زکوٰۃ لے اور ان کے عمدہ مالوں سے بچ۔