حدثنا محمد بن بشار، حدثنا غندر، حدثنا شعبة، عن ابي حصين والاشعث بن سليم، سمعا الاسود بن هلال، عن معاذ بن جبل، قال: قال النبي صلى الله عليه وسلم:" يا معاذ اتدري ما حق الله على العباد؟، قال: الله ورسوله اعلم، قال: ان يعبدوه ولا يشركوا به شيئا اتدري ما حقهم عليه؟، قال: الله ورسوله اعلم، قال: ان لا يعذبهم".
ہم سے محمد بن بشار نے بیان کیا، کہا ہم سے عندر نے بیان کیا، کہا ہم سے شعبہ نے بیان کیا، ان سے ابوحصین اور اشعث بن سلیم نے، انہوں نے اسود بن ہلال سے سنا، ان سے معاذ بن جبل رضی اللہ عنہ نے کہ نبی کریم صلی اللہ علیہ وسلم نے فرمایا ”اے معاذ! کیا تمہیں معلوم ہے کہ اللہ کا اس کے بندوں پر کیا حق ہے؟“ انہوں نے کہا کہ اللہ اور اس کے رسول ہی زیادہ جانتے ہیں۔ نبی کریم صلی اللہ علیہ وسلم نے فرمایا کہ یہ ہے کہ وہ صرف اسی کی عبادت کریں اور اس کا کوئی شریک نہ ٹھہرائیں۔ کیا تمہیں معلوم ہے پھر بندوں کا اللہ پر کیا حق ہے؟ عرض کیا کہ اللہ اور اس کے رسول ہی زیادہ جانتے ہیں، فرمایا یہ ہے کہ وہ انہیں عذاب نہ دے۔