حدثني يوسف بن موسى، حدثنا ابو اسامة، قال: حدثني عوف، عن خلاس، ومحمد، عن ابي هريرة رضي الله عنه، قال: قال النبي صلى الله عليه وسلم:" من اكل ناسيا وهو صائم، فليتم صومه، فإنما اطعمه الله وسقاه".
مجھ سے یوسف بن موسیٰ نے بیان کیا، انہوں نے کہا ہم سے ابواسامہ نے بیان کیا، انہوں نے کہا کہ مجھ سے عوف اعرابی نے بیان کیا، ان سے خلاص بن عمرو اور محمد بن سیرین نے کہا کہ ابوہریرہ رضی اللہ عنہ نے بیان کیا کہ نبی کریم صلی اللہ علیہ وسلم نے فرمایا ”جس نے روزہ رکھا ہو اور بھول کر کھا لیا ہو تو اسے اپنا روزہ پورا کر لینا چاہئے کیونکہ اسے اللہ نے کھلایا پلایا ہے۔“