حدثنا معلى بن اسد، حدثنا عبد العزيز بن المختار، قال: خالد الحذاء حدثنا، عن ابي عثمان، قال: حدثني عمرو بن العاص رضي الله عنه، ان النبي صلى الله عليه وسلم بعثه على جيش ذات السلاسل فاتيته، فقلت: اي الناس احب إليك؟ قال:" عائشة"، فقلت: من الرجال، فقال:" ابوها"، قلت: ثم من، قال:" ثم عمر بن الخطاب" , فعد رجالا.
ہم سے معلی بن اسد نے بیان کیا، کہا ہم سے عبدالعزیز بن مختار نے بیان کیا، کہا ہم سے خالد حذاء نے، کہا ہم سے ابوعثمان نے بیان کیا، کہا کہ مجھ سے عمرو بن العاص رضی اللہ عنہ نے بیان کیا کہ نبی کریم صلی اللہ علیہ وسلم نے انہیں غزوہ ذات السلاسل کے لیے بھیجا (عمرو رضی اللہ عنہ نے بیان کیا کہ) پھر میں آپ صلی اللہ علیہ وسلم کی خدمت میں حاضر ہوا اور میں نے پوچھا کہ سب سے زیادہ محبت آپ کو کس سے ہے؟ آپ صلی اللہ علیہ وسلم نے فرمایا کہ عائشہ سے میں نے پوچھا، اور مردوں میں؟ فرمایا کہ اس کے باپ سے۔ میں نے پوچھا، اس کے بعد؟ فرمایا کہ عمر بن خطاب سے۔ اس طرح آپ صلی اللہ علیہ وسلم نے کئی آدمیوں کے نام لیے۔