حدثنا عبد الاعلى بن حماد، حدثنا وهيب، عن ايوب، وعبيد الله , عن نافع , عن ابن عمر رضي الله عنهما , قال: قال رسول الله صلى الله عليه وسلم:" اجعلوا في بيوتكم من صلاتكم ولا تتخذوها قبورا"، تابعه عبد الوهاب، عن ايوب.
ہم سے عبدالاعلی بن حماد نے بیان کیا، کہا کہ ہم سے وہیب بن خالد نے بیان کیا، ان سے ایوب سختیانی اور عبیداللہ بن عمر نے، ان سے نافع نے اور ان سے ابن عمر رضی اللہ عنہما نے بیان کیا کہ رسول اللہ صلی اللہ علیہ وسلم نے فرمایا کہ اپنے گھروں میں بھی کچھ نمازیں پڑھا کرو اور انہیں بالکل قبریں نہ بنا لو (کہ جہاں نماز ہی نہ پڑھی جاتی ہو) وہیب کے ساتھ اس حدیث کو عبدالوہاب ثقفی نے بھی ایوب سے روایت کیا ہے۔