حدثنا محمد بن المثنى، حدثنا يحيى بن سعيد، عن هشام , قال: اخبرني ابي، عن عائشة رضي الله عنها , قالت:" ما رايت النبي صلى الله عليه وسلم يقرا في شيء من صلاة الليل جالسا حتى إذا كبر قرا جالسا، فإذا بقي عليه من السورة ثلاثون او اربعون آية قام فقراهن ثم ركع".
ہم سے محمد بن مثنی نے بیان کیا، انہوں نے کہا کہ ہم سے یحییٰ بن سعید قطان نے بیان کیا اور انہوں نے کہا کہ ہم سے ہشام بن عروہ نے بیان کیا کہ مجھے میرے باپ عروہ نے خبر دی کہ عائشہ صدیقہ رضی اللہ عنہا نے بتلایا کہ میں نے نبی کریم صلی اللہ علیہ وسلم کو رات کی کسی نماز میں بیٹھ کر قرآن پڑھتے نہیں دیکھا۔ یہاں تک کہ آپ صلی اللہ علیہ وسلم بوڑھے ہو گئے تو بیٹھ کر قرآن پڑھتے تھے لیکن جب تیس چالیس آیتیں رہ جاتیں تو کھڑے ہو جاتے پھر اس کو پڑھ کر رکوع کرتے تھے۔